भीमकाय नितम्ब भएकी महिलाको पीडाः पुरुषहरु मसँग सुत्न मात्र आए

किम कार्दाशिन देखि लिएर निक्की मिनाज सम्मका सेलिब्रेटीहरु आफ्नो निकै पुष्ट तथा ठूलो आकारको नितम्बकै कारण चर्चित छन्, सेक्सी बनेका छन् । तर ठूलो नितम्ब हुनु सबैका लागि फलिफाप नहुँदो रहेछ । एक अफ्रिकी महिलालाई आफ्नो ठूलो नितम्ब घाँडो बनेको छ ।

धेरै सेलिब्रेटीहरुले आफ्नो पुट्ट उठेको नितम्बलाई कमाइखाने भाँडो बनाएका भएपनि दक्षिण अफ्रिकाकी लेराटो पिस्टो नामकी महिलाका लागि आफ्नो त्यस्तै नितम्ब दैनिक अपमान तथा दुव्र्यवहारको कारण बनिरहेको छ ।

अहिले ५० वर्ष उमेर पुगेकी पिस्टोले जिन्दगीमा निकै धेरै नमीठो अनुभव भोगिरहेकी छिन् । उनी अहिलेपनि जहाँ जान्छिन् हाँसको पात्र बन्छिन् किनकी उनको नितम्ब देख्दा मानिसहरु हाँस्छन् ।

अझ अर्को गम्भीर कुरा उनी आफ्नो ठूलो नितम्बकै कारण यौन शोषणमा पनि परिन् । उनको गहिरो प्रेम सम्बन्ध पनि कायम हुन सकेन र बिहे पनि भएको छैन । जति केटाहरु सम्बन्ध गाँस्न भनेर आए, केवल ओछ्यान तताएर गए, मज्जा लुटे तर प्रेम गरेनन् ।

बजार अनुसन्धानको क्षेत्रमा काम गर्ने पिस्टोले कुनै समय आफु डिप्रेसनको सिकार भएर आत्महत्या गर्ने निर्णय सम्म पुगेको बताउँछिन् । ‘पुरुषहरु केवल म सँग सुत्न मात्र चाहने तर मलाई माया नगर्ने । त्यसैले म कसैका लागि मन पर्ने खालको छुइन भन्ने निधो भएपछि आत्महत्या गर्नेसम्म सोचेँ’, उनी भन्छिन् । यस्तै अस्थायी सम्बन्धबाट उनको एक सन्तान पनि जन्मिएको छ ।

बाटोमा हिड्दा पुरुषहरुले आफुलाई देखेर हाँसेको, सुस्केरा हाले, सिट्ठी बजाएको तथा क्यामराले फोटो समेत खिचेको देख्दा उनलाई दिक्क लाग्छ । कहिलेकाहीँ महिलाले पनि त्यस्तै दुव्र्यवहार गर्ने गरेको अनुभव उनको छ ।

गत फेब्रुअरीमा जोहानसबर्गमा आयोजित वजन घटाउने प्रतियोगितामा भाग लिएपछि उनको जिवनले नयाँ मोड लिएकेा छ र अहिले उनी लगातार वजन घटाएर जिउलाई सन्तुलित र सुन्दर बनाउने अनि सम्मानित जिवन जिउने मेलोमा छिन् । एजेन्सीको सहयोगमा

- See more at: http://www.onlinekhabar.com/2015/07/300804/#sthash.Cmkxtifa.dpuf